phooj ywg Ntsuab Pov thiab Niam laus Sua Thoj.

Lomsak tim 6 lub 2 hlis xyoo 2013

 

Nyob zoo txog phooj ywg Ntsuab Pov thiab Niam laus Sua Thoj.

 

Zoo tswv Zov Yaj tau txais koj tsab ntawv lawm.

Zoo Tswv Zov Yaj, thov nyob zoo xyoo tshiab 2013 tuaj txog koj thiab koj tsev neeg txhua leeg. Vam thiab cia siab tias yuav tau txais kev noj qab nyob zoo txhua leeg yam li peb lub siab xav.

Peb cov ua hauj lwm nyob hauv lub Tshaj Xov, Zoo Tswv Zov Yaj noj qab nyob zoo txhua leeg.

Xyoo qub tas lawm, xyoo tshiab tawm tuaj. thov Tswv Ntuj foom hmoov zoo rau koj thiab tsev neeg txhua leeg kom ntsib kev noj qab nyob zoo tsis muaj mob tsis muaj nkeeg nyob luag ntxhi nrog luag.

Zoo Tswv Zov Yaj muaj lus ntsib phooj ywg li no xwb.

Thov Tswv Ntuj nrog nraim phooj ywg thiab tsev neeg mus li yam lub siab xav. Nyob zoo.

 

 

 

                                                          Zoo Tswv Zov Yaj.

                                                            Maiv Liag Thoj

3 Replies to “phooj ywg Ntsuab Pov thiab Niam laus Sua Thoj.”

  1. Nkauj hnub tsi paub yuav mus tham qhia leej twg li. Nkauj hnub thiaj sau qhov ntawv no tuaj thov sawv daws kev pab. Vim rau qhov nraug hli ua yog Nkauj hnub nplooj siab tus neeg Nkauj hnub hlub tshaj plawv txhua yam tau ncaim Nkauj hnub mus lawm. Nws tsi yog ncaim mus ib pliag los yog ib chim, tiam si Nraug hli yuav ncaim mus ib sim. Nkauj hnub xav ntau ntau zaus hais tias ntshe yuav tau raws Nraug hli qab mus xwb thiaj tag.
    Cheem lub sij hawm tseem sai sai no Nkauj hnub thiaj mus nrhiav tau nraug hli tsam dhau ntev mus ntshe nkauj hnub yuav nrhiav tsi tau nraug hli lawm no.
    Nkauj hnub nco nraug hli ua hnub ua hmo, lub kua muag nrog npaum li cov nag ua poob saum ntuj los. Nkauj hnub yuav ua neeg nyob tsi taus li lawm. Vim rau qhov lub hnub lub hli dhau los lawm zuj zus ua rau nkauj hnub nco nraug hli tshaj qhov qub.

    Tus sau nkauj hnub xeem xyooj

  2. nyob zoo Nkauj Hnub, thov txim uas teb koj tsab ntawv lig zog lawm, vam tias, koj yuav tsis xav li cas.
    Peb Zoo Tswv Zov Yaj, zoo siab txais koj cov lus os nawb, es koj tsis txhob xav ntau os mog ! Txawm tias, Nraug Hli tsis nrog koj nyob lawm los, koj yuav tsum ua siab loj os, vim txoj hau kev tseem tshuav deb, tab sis, peb ntseeg tias, muaj ib hnub neb yeej yuav rov sib ntsib dua xwb mog. Nyem no, koj yuav tsum qhib koj lub siab kom dav, txawm tsis muaj lub hli ua qhov pom kev rau koj lawm los, tseem tshuav cov me nyuam hnub qub, nyaj yuav muaj lub puav ci pom kev tuaj rau koj thiab, es koj txhob maj tag kev cia siab os.

Leave a Reply